· Oktobro, 2013

Artikoloj je Resumo je Oktobro, 2013

Jemeno: Strigo ekster mia fenestro

Jemena blogisto Abdulkader Alguneid trovis strigon ekster sia fenestro.

Li pepis tiun maloftan okazaĵon:

abdulkader alguneid (@alguneid): Granda strigo, malantaŭ mia vitra fenestro, 1:30 atm.

Belorusio: Romaoj ekskluzivitaj el edukado

Roma Gypsy Romany Gypsy, blogo de romaa virino en Britio, republikigis artikolon priskribantan, kiel romaoj en Belorusio estas diskriminaciataj rilate aliron al edukado. Nur 2% de la romaoj finas mezlernejon.

UN: Respektu la rajtojn de indiĝenoj

Spertularo de Unuiĝintaj Nacioj (UN) instigas [angle] registarojn kaj korporaciojn respekti la rajtojn de la indiĝenoj en la mondo kaj gardi ilin kontraŭ malobservo de iliaj rajtoj pro komercaj aktivadoj.

Prezidanto de la sendependa spertularo diris, ke indiĝenoj estas severe trafitaj de industriaj sektoroj de minado, terkultivado kaj energioj, kaj ke negativaj efikoj etendiĝas de la rajto de la indiĝenoj sekvi la memelektitan tradician vivstilon ĝis diskriminacioj en dungado kaj en aliro al varoj kaj servoj.

VIDEO: “No Woman, No Drive” (Ne virino, ne stiru) svenigis Saud-Arabion

La saudarabiaj aktivistoj elektis la hieraŭan tagon (la 26-an de oktobro 2013) por protesti kontraŭ malpermeso al virinoj stiri aŭton en la reĝlando.

Dum sociaj retoj tumultis pro kreskanta nombro de raportoj pri virinoj stirantaj aŭton tra la lando, brila senakompana rearanĝo de “No Woman, No Cry” (Ne, virino, ne ploru) de Bob Marley fulmrapide disvastiĝis subtene al bravaj virinoj defiantaj konservativan seksisman leĝon kaj pseŭdosciencan pravigon, kiuj malpermasas al ili ĝui liberan moviĝon.

JOAS el Malajzio prezentas rekomendojn ĉe Unuiĝintaj Nacioj

La bildo estas el la Fejsbuk-paĝo de JOAS.

Jaringan Orang Asal SeMalaysia (JOAS, Tutmalajzia Grupo de Indiĝenoj) el la orienta parto de Malajzio sendis tri reprezentantojn al Unuiĝintaj Nacioj por raporti la situacion en Saravako kaj Sabaho pri malĝusta traktado de indiĝenoj en la du subŝtatoj.

Fakte, malbonaj situacioj en orienta kaj okcidenta partoj de Malajzio estas similaj.

JOAS sendis ses rekomendojn al UN. La reprezentantoj nun estas en Ĝenevo, Svislando, por partopreni en la Universala Perioda Revizio. La tri reprezentantoj estas Yus Jahut, Mark Bujang kaj Rojieka Scarlett.

La raporto de la reprezentantoj ĉe UN estas eldonita per la reta WEBTV-kanalo de UN je la 20-a horo kaj 30 minutoj laŭ la malajzia horo, hodiaŭ, 24-an de oktobro 2013.

Noto: La indiĝenoj en la orienta parto t.e. Sabaho kaj Saravako nomiĝas Orang Asal en la malaja, sed la indiĝenoj en la okcidenta parto t.e. Malaja Duoninsulo nomiĝas Orang Asli. Tiuj nomoj estis kreitaj de la leĝoj, kiam oni batalis por la sendependiĝo de Malajzio.

Plej malicaj kompanioj en Japanio

Komitato de laboraktivuloj kaj ĵurnalistoj anoncis la kandidatojn por la plej malica kompanio en Japanio en 2013 [japane]. Ok kompanioj kaj organizoj, kiuj perdis siajn dungitojn pro trolaborado kaj sinmortigo, estas nomunita por la malhonora premio. Retumantoj povas voĉdoni por la plej malica kompanio en Japanio ĉi tie [japane], kaj oni povas vidi realtempe rezultojn kaj komentojn [japane].

 

Komento de la tradukinto: La premioj estis aljuĝitaj en la 11a de aŭgusto, 2013.

 

Kanto el Ĉinio: Kontraŭregula Besto

La nova kanto de Xu Song [ŝu song] [ĉine] ‘Kontraŭregula Besto’ (违章动物)jam estas aŭskultita 12 milionojn da fojoj ĉe QQ-muziko (QQ音乐) ene de unu monato. La sendependa kantisto-kantoverkisto Xu Song estas 27-jara. La kanto temas pri konflikto inter urbaj administraj funkciuloj kaj strataj vendistoj.

Rensi el ChinaSMACK tradukis kaj klarigis la kantotekston en la angla.

Ĉu Kamboĝo estas unupartia lando?

Anirudh Bhati malakceptas la opinion de iuj analizistoj, ke Kamboĝo fariĝis unupartia lando [angle] post kiam la ĉefa opozicia partio bojkotis la inaŭguran sesion de la Nacia Asembleo:

… Estus erare supozi, ke Kamboĝo jam denove iĝis la unupartia lando simple pro tio, ke la kuranta asembleo estas bojkotita de la opozicio, same kiel estus malprecize karakterizi Usonon kiel dupartian sistemon.

Irano: 18 monatojn da malliberigo al Pegah

Aktorino kaj reĝisorino el Irano, Pegah Ahangarani estas minacata per enmeto en malliberejon pro ‘politikaj deklaroj kaj intervjuoj kun eksterlandaj malamikaj gazetoj’ laŭ la blogo Neniam Milito inter Ni.

Ŝi estis kondamnita al 18 monatoj da malliberigo.

Laŭ la oficiala agentejo, tiu puno estis decidita pro «politikaj deklaroj kaj intervjuoj kun eksterlandaj malamikaj gazetoj», ne liverante pli da precizigoj.

 

 

Honkongo: Homoj loĝantaj en kaĝoj

Hong Kong artist, Kwong Chi Kit worked in conjunction with a local poverty concern group, SoCO (the Society for Community Organisation), created miniature 'cage people' as part of an anti-poverty campaign. More from Hongwrong.com

Honkonga artisto, Kwong Chi Kit laboris kune kun la grupo okupiĝanta pri loka malriĉeco, SoCO (la Societo por Komunuma Organizado), kaj kreis miniaturajn ‘kaĝohomojn’ kiel parton de la kampanjo kontraŭ malriĉeco. Vidu pli en Hongwrong.com [Alklaku la foton].

Egiptujo: Morsi ne revenos

La eksa prezidento Mohamed Morsi ne regos denove laŭ la egipta blogisto Alĵa Gad kiu pepis en kelkaj lingvoj por klarigi la mesaĝon.

مرسي لن يعود – Morsi is not coming back – Morsi no va a volver — Morsi ne reviendra pas — Morsi kommt nicht zurück — Morsi ne revenis 1/2 — Lady GaGad أفهم (@AlyaaGad) October 21, 2013

Morsi δεν έρχεται πίσω — Morsi si kuja nyuma — Morsi geri gelmiyor — Мурси не вернется — 穆尔西不回来了— Morsiは戻って来ていません — Morsi वापस नहीं आ रही है — Lady GaGad أفهم (@AlyaaGad) October 21, 2013

Morsi eksiĝis post la grandega protesto  kvankam li rajtus regi plian jaron. La protesto en la Egitujo komenciĝis la 30-ana de junio.