Ĉu vi vidas ĉiujn lingvojn supre de la paĝo ? Ni tradukas rakontojn el Global Voices por ke civitanaj komunikiloj tra la mondo estu alireblaj por ĉiuj.

Lernu pli pri LINGUA Traduko  »

· Februaro, 2014

Artikoloj je Resumo je Februaro, 2014

La sola pakistanano ĉe la Soĉia Olimpiko memlernis skii per lignaj tabuloj

Tiu ĉi foto alŝutita ĉe la paĝo de See More en Facebook ricevis pli ol 45 000 ŝatojn.

Tiu ĉi foto alŝutita ĉe la paĝo de See More en Facebook ricevis pli ol 45 000 ŝatojn.
La supra teksto: “Tiu ĉi estas Mohammad Karim, la sola pakistana partoprenanto en la Vintra Olimpiko”
La suba teksto: “Li lernis skii per hejmfaritaj lignaj tabuloj pro manko de ekipaĵo”

Kreskinte en norda Pakistano, proksime al kelkaj el la plej altaj montodeklivoj en la mondo, Mohammad Karim memlernis skii per hejmfarita ekipaĵo farita de lia onklo el lignaj tabuloj.

Nun li estas la sola reprezentanto de Pakistano en la Vintra Olimpiko de Soĉi.

Pli pri lia vojaĝo legu tiun ĉi raporton en la pakistana tagĵurnalo the Express Tribune.

 

Reviziita de Vastalto

Uzbekio: Fotoj, kiujn uzbekaj aŭtoritatoj ne volas vidigi al vi

EurasiaNet.org prezentas “Dudek fotoj, kiujn Uzbekio ne volas vidigi al vi” [angle], kolekton de nigra-blankaj bildoj de fotoĵurnalisto Timur Karpov. La fotoj estis forigitaj [ruse] el grupa ekspozicio en Taŝkenta Domo de Fotografio du horojn antaŭ la malfermo de la ekspozicio en la 25a de januaro, ŝajne ĉar ili estis konsiderataj kiel “subfosado” al nacia fiero. Alia fotisto, kies bildoj estis konsiderataj kiel “ofendaj” fare de la organizantoj de la ekspozicio, estas Svetlana Ten. Ŝiajn fotojn oni povas vidi ĉi tie.

Karpov estas unu el la ok aktivuloj, kiuj estis arestitaj de uzbeka polico en la 29a de januaro, post senpermesa kunveno por subteni protestantojn en Ukrainio. Karpov estis ordonita de juĝejo pagi ĉirkaŭ 1 000 usonajn dolarojn da punmono kaj nun estas liberigita.

 

Reviziita de Vastalto