Ĉu vi vidas ĉiujn lingvojn supre de la paĝo ? Ni tradukas rakontojn el Global Voices por ke civitanaj komunikiloj tra la mondo estu alireblaj por ĉiuj.

Lernu pli pri LINGUA Traduko  »

· Marto, 2014

Artikoloj je Resumo je Marto, 2014

Meksikanoj strebas al “redemokratiigo” de demokratio

La meksika loĝantaro ne favoras Peña Nieto aŭ la politikan eliton. Eĉ la opinienketoj, ĝenerale simpatiaj al la prezidanto, akceptas, ke neniu apogas Peña Nieto. La politika elito ŝajne pensas, ke tio estas nur ĉar la ekonomio ne kreskis, sed la afero multe superas tion. Meksikanoj ne estas facile trompitaj — ne estas ĝeneraligita apatio, sed anstataŭe sento de senpoviĝo.

Peter Watt el la blogo “Meksiko, Konfuzita kaj Kontestita” [angle] ĉe NACLA intervjuis profesoron John M. Ackerman (@JohnMAckerman) pri la rilatoj inter Meksiko kaj Usono, memdefendaj grupoj [angle], la aresto de la gvidanto de la Kartelo de Sinaloa, El Chapo Guzmán, kaj plu.

 

Reviziita de Vastalto

Honduro lanĉas retan vortaron de indiĝenaj lingvoj

Vortaro de honduraj indiĝenaj lingvoj estis lastatempe eldonita rete [hispane].

Hondura ĵurnalo Tiempo [hispane] eksplikas, ke tiu ĉi vortaro “registras la ekvivalentajn [vortojn] en la hispana, chortí-a, garífuna-a, isleño-a, miskito-a, pech-a, tawahka-a kaj tolupán-a lingvoj, kiuj konsistigas la lingvan heredaĵon de la lando.”

Ekzemple, serĉo por la hispana vorto de pano, “pan” [hispane], donas la sekvan rezulton:

Pano
Bakita mangaĵo farita el faruno.
Ch. b’or.
G. fein.
I. bread.
M. bred.
P. síra arinayoka.
Ta. wan busna / brit.
To. sen

 

Reviziita de Vastalto

Irano: Studento kondamnita al 7 jaroj en karcero

PersianBanoo raportis: “Maryam Shafipour, studenta aktivisto elpelita el Internacia Universitato de Qazvin, ricevis verdikton de sep jaroj en karcero. Antaŭe ŝia familio raportis, ke ŝi estis batita de viraj pridemandistoj dum pridemandaj sesioj”.

 

Reviziita de Vastalto

Raso kiel politika armilo en Karibio

El ĉiuj ofendaj – kaj malinteligentaj – diraĵoj faritaj en la politiko de la post-sendependa Karibio, la aserto, ke D-ro Keith Rowley, la gvidanto de la opozicio en Trinidado kaj Tobago, estas ‘tro nigra’ por esti ĉefministro, devas esti taksita kiel la plej malbona.

La ĵurnalo Bajan Reporter klarigas [angle], kial tiu ideo “reliefigas la daŭran malfirmecon en personoj kaj grupoj en Karibio.”

 

Reviziita de Vastalto

Kamboĝo: Kial protestoj ne kondukos al “kamboĝa printempo”?

Faine Greenwood skribas [angle] pri prelego prezentita ĉe Stanford fare de Ou Virak,  kamboĝa aktivisto pri homaj rajtoj. Demandite pri la kontraŭregistaraj protestoj en Kamboĝo, Ou Virak klarigis, kial ĝi ne kondukos al ‘politika printempo’:

Mi ne pensas, ke politika printempo okazos en Kamboĝo, nek ke ĝi estas dezirinda… Ni eĉ ne havas vorton por ‘politika printempo’ en la kmera. La plej proksima vorto estas ‘revolucio’, kiu rememorigas al la popolo la Ruĝajn Kmerojn.

Li ankaŭ kritikis, ke la opozicia partio malsukcesis doni klaran plotikan tagordon:

Mi ne vidis tagordon… La sola afero, kiun mi vidis, estas kiom ni (kamboĝanoj) malamas Hun Sen, kaj kiom ni malamas Vjetnamion. Tio estas formulo por konduki al katastrofo, partopreni en tiom da malamo. Ni tute ne scias, por kio ni batalas.

 
Reviziita de Vastalto