Ĉu vi vidas ĉiujn lingvojn supre de la paĝo ? Ni tradukas rakontojn el Global Voices por ke civitanaj komunikiloj tra la mondo estu alireblaj por ĉiuj.

Lernu pli pri LINGUA Traduko  »

· Junio, 2014

Artikoloj je Resumo je Junio, 2014

Kameruno malkonstruas 3 000 domojn kaj faras 15 000 senhejmulojn

Blogulo Mathias Mouendé Ngamo rakontas kiel atestanto [france] pri la malkonstruo de ĉirkaŭ 3 000 domoj en la kvartalo Nkomba en la urbo Dualao en Kameruno. Oni kalkulas ke pli ol 15 000 okupantoj loĝas en tiu neleĝa barakaro establita sur tereno de Misio por Disvolvo kaj Administrado de Industriaj Zonoj, publika korporacio, kiu respondecas pri kreo de industriaj zonoj en Kameruno:

Des policiers et gendarmes empêchent aux habitants de franchir le cordon de sécurité. Plus de 150 éléments des forces du maintien de l’ordre encadrent l’opération des casses. Ils sont constitués des policiers de l’Equipe spéciale d’intervention rapide (Esir), du Groupement mobile d’intervention n°2 (Gmi2), des gendarmes et des forces spéciales de la Misca. Les hommes en tenues sont armés de fusils, de matraques et de bombes à gaz lacrymogène. Des camions antiémeutes de la police et de la gendarmerie sont garés dans un coin. Une bombe à gaz lacrymogène est lancée pour repousser les sinistrés qui défient les forces de l’ordre. La foule se disperse…

C’est la troisième journée des casses au quartier Nkomba. Les déguerpissements ont débuté mercredi 26 mars 2014, vers 5 h. Les maisons ciblées sont celles établies sur le terrain de la Mission d’aménagement et de gestion des zones industrielles (Magzi).

Policistoj kaj ĝendarmoj malhelpas loĝantojn  trarompi la sekureckordonon. Pli ol 150 anoj de sekurigaj trupoj superrigardas progreson de la malkonstruado. Ili konsistas el policistoj de la Speciala Taĉmento de Rapida Interveno (ESIR) kaj de la Rapidmova Intervena Gruparo n-ro 2 (GMI2), ĝendarmoj, kaj specialaj fortoj, kiuj estas parto de la Internacia Misio Subtena al la Centr-Afrika Respubliko (MISCA). La viroj en uniformo estas armitaj per fusiloj, klaboj kaj bomboj de larmiga gaso. Kontraŭ-tumultaj kamionoj apartenantaj al la polico kaj la ĝendarmaro estas parkumitaj en la angulo. Bombo de larmiga gaso pafiĝas por repuŝi la okupantojn, kiuj defias la policanojn. La homamaso do diskuras.

Ĉi tiu estas la tria tago de malkonstruado en Nkomba. Forpelado komenciĝis merkrede, 26an de marto 2014, ĉirkaŭ je la 5a atm. La celitaj domoj estas konstruitaj sur tereno apartenanta al la Misio de Disvolvo kaj Administrado de Industriaj Zonoj (MAGZI).

 

Reviziita de Vastalto

750 milionoj da francparolantoj antaŭvidataj en 2050

Bangui, Centr-Afrika Respubliko. La franca lingvo tenas iom da influo en la francaj ekskolonioj en Afriko.

Bangui, Centr-Afrika Respubliko. La franca lingvo tenas iom da influo en la francaj ekskolonioj en Afriko. Foto el Wikimedia Commons.

Renkontante la aserton de John McWhorter en New Republic (Nova Respubliko), ke lerni la francan estas sensignife [angle], Pascal Emmanuel Gobry skribas en sia blogo de Forbes, ke la franca povus esti la lingvo de la estonteco [angle]:

La franca estas plejofte parolata ne de la francoj, kaj estis tiel dum longa tempo ĝis nun. La lingvo kreskas rapide, kaj kreskas en la plej rapide kreskantaj regionoj de la mondo, precipe en Afriko sude de Saharo. La plej nova prognozo diras, ke la franca estos parolata de 750 milionoj da homoj en 2050. Studo de la investbanko Natixis eĉ sugestas, ke ĝis tiam la franca povus esti la plej parolata lingvo en la mondo, antaŭ la angla kaj eĉ la ĉina. 

La tradukistoj de Tutmondaj Voĉoj konsideris antaŭ monato pri la malfacilaĵoj kaj la avantaĝoj en lernado de la franca [angle].

 

 Reviziita de Vastalto