- Global Voices en Esperanto - https://eo.globalvoices.org -

Japanio: Ĵurnalistoj timas leĝprojekton por protekti sekretajn informojn

Kategorioj: Japanio, Civitanaj komunikiloj, Homaj rajtoj, Interreta aktivismo, Juro, Komunikiloj kaj ĵurnalismo, Parollibereco, Regado

La kabineto de la japana ĉefministro ABE Shinzo [abe ŝinzoo] aprobis leĝproponon [1] [japane] en la 25 de oktobro, 2013, por doni pli severajn punojn al ŝtatfunkciuloj, leĝdonantoj kaj aliaj, kiuj rivelis naciajn sekretojn kaj malutilis al nacia sekureco. La tiel nomata sekreto-protekta leĝo, nove eldonota, estis nepopulara inter la japana gazetaro, advokatoj por homaj rajtoj, kaj civitanoj, kiuj timas, ke la registaro devus kaŝi informojn pri radiado en Fukuŝimo kaj aliaj regionoj.

Lawrence REPETA [loŭrens repeta], fakulo pri informosekureca juro, ekzamenas eblajn riskojn [2] [angle] de tiu leĝpropono, ekzemple limigon de la rajto por aliri informojn en komparo kun la Usonaj kazoj de Edward SNOWDEN [edŭad snoŭden] kaj Bradley MANNING [bradli manin].

Antaŭ ol la leĝpropono estis aprobita en la kabineto, la registaro akceptis komentojn de la publiko, kaj inter 90 480 komentoj afiŝitaj en du-semajna periodo komence de septembro, 69 579 estis kontraŭ la leĝpropono. La leĝpropono atendas la aprobon de la parlamento.