See all those languages up there? We translate Global Voices stories to make the world's citizen media available to everyone.

Norvega muzikfilmeto ofendas Kirgizion

Por malgrandaj, terĉirkaŭitaj kaj malmulte konataj landoj kiel Kirgizio, “altigi sian reputacion” estas malrapida kaj malfacila procedo. Do, kiam steluloj el alilandoj alvenas filmi scenojn en via kamparo, la espero estas ke la mesaĝo, kiun ili portas hejmen kun si, estu ĝusta. Sed bedaŭrinde afero ne ĉiam progresas tiel.

Norvegaj fratoj kaj duopa TV-teamo Ylvis, kreis tumulton inter la retuzantoj de Kirgizio per sia kanto “Zhanym” (“kara”, aŭ “mia koro” tradukita el la kirgiza). La du fratoj, komediistoj kaj muzikistoj Bard kaj Vegard Ylvisakers vizitis Kirgizion lastasomere por registri kanton miksitan el la rusa kaj la kirgiza, kiun ili poste eldonis kaj prezentis en Norvegio. La teksto de la originala “Zhanym” estis sufiĉe sendanĝera, sed ilia decido prezenti “eksplicitan” version de la kanto por norvega televidkanalo provokis miksitan reagon de lokaj retuzantoj.

Almas Ysman, blogisto ĉe Kirgiza Servo de RFE/RL, klarigis [ruse] konfuzon pri la plenaĝula versio de Zhanym, lige al nun forigita filmeto de ilia prezentado:

“Культурный шок” испытали многие кыргызстанцы после просмотра концертной версии сомнительной песни про нашу страну. На Youtube гуляет видео со скандальной песней “Жаным” в исполнении двух родных братьевYlvisåker, выступающих в группе YLVIS.

Все бы ничего, но в песне вперемежку с русским текстом используется жесткий мат на кыргызском языке. При этом братья размахивают кыргызским флагом, стоя на машине, где вместо номеров написано “шлюха” по-русски. А зрители, не понимая о чем поют братья, хлопают и радуются. Думаю, если бы то же самое спели на норвежском языке и про Норвегию, реакция в зале наверняка была бы другой.

Multaj kirgizoj spertis “kulturan ŝokon”, spektante koncertan version de duba kanto pri nia lando. En YouTube (Jutubo) estas filmeto de la skandala kanto “Zhanym” prezentita de du fratoj de la familia nomo Ylvisaker, reprezentantaj la grupon YLVIS.

Tio estus ne grava, sed en la kanto, subtekstita per la rusa lingvo, [la fratoj] uzis maldelikatajn kirgizajn fivortojn. Plue la fratoj svingis Kirgizian flagon el la fenestro de aŭto kun la licencplato “PUTINO 1″. Kaj la [norvega] spektantaro, ne komprenante kion la fratoj kantas, aplaŭdas kaj amuziĝas. Mi kredas ke se ili kantus la samon pri Norvegio en la norvega, la reago de la spektantaro estus iom malsama.

Aparte la maldelikataj fivortoj “Кандай коток” (“коток” aludas viran seksorganon en la kirgiza) estis en la centro de la reta ŝtormo, kiu sekvis. Ylvis jam pardonpetis, asertante [ruse] ke ne estis lia intenco insulti lokajn personojn, kaj ke ili enmetis la fivortojn kiel rimedon ridindigi la spektakloproduktistojn, kiuj havis nenian ideon pri la signifo de la vortoj. La oficiala filmeto de la kanto, sen fivortoj, estas ĉi-sube:

Uzantoj de sociaj komunikiloj inklinis rigardi la kanton kiel facilaniman pecon de sensencaĵo, aŭ kiel insultan reklamadon de la erara bildo pri Kirgizio.

Skribante en la novaĵa blogo de Kloop , Ulan Shamiev diris [ruse]:

Браво! Молодцы, сразу видно что талантливые ребята))

Brave! Bona laboro, knaboj! Mi povas vidi ke ili estas talentaj))

Aliaj trovis kaŝitajn motivojn en la aventuro de Ylvis tra Kirgizio, kiuj varias de la akcelado de seksa turismo ĝis ekstrema kultura afektado.

Uzanto de Youtube, Blujdayushiistrannik diris [ruse]:

Во первых , в этом видео создаётся межнациональная рознь. Во вторых , они жестоко матерятся. И на номере машины ВАЗ 2105 написано ” ШЛЮХА1 ” и , как это понимать??? Как Вам может нравиться эта ” песня “? Этим моральным уродам нужно ноги переломать! Их в самом мягком случае сажать в тюрьму надо( ну или на бутылку )! Такого ” видео ” не должно быть на YouTube , а для Норвегии позор то , что они позволили выступить таким людям перед публикой.

Unue, ĉi tiu filmeto kreas interetnan streĉitecon. Due, ili blasfemas en la kirgiza. Kaj la numero de la aŭto estas “PUTINO 1″ – kiel mi komprenu tion?? Kiel vi povas ŝati ĉi tiun ”kanton”? Ni bezonas kontraŭbatali tiajn moralajn strangulojn! La plej milda solvo estu meti ilin en malliberejon! Ĉi tiu “filmeto” ne aperu en YouTube, kaj estu honto de Norvegio permesinta al ili prezenti antaŭ publiko.

Photo of Ylvis performing on Norwegian TV, shared on the blog of Ulugbek Akishev.

Ylvis prezentas en Norvegia TV, dividita en la blogo de Ulugbek Akishev. 

Ĵurnalisto kaj muzika kritikisto Ulukbek Akishev akuzis [ruse] la duopon pro “konscia disvastigo de malvera prezentado de Kirgizio” en sia blogo. Rimarkante la reputacion de toleremo de Skandinaviaj landoj kiel Norvegio, Akishev lamentis pri la manko de tiuj valoroj en la prezentoj de la fratoj antaŭ ol fini [ruse]:
В общем, я пока не меняю своего мнения о народах Северной Европы, как бэ, по таким дебилам мнение о народе не формируют

Ĝenerale, mi ne ŝanĝos mian opinion pri la popoloj de Norda Eŭropo, ĉar vi ne formos opiniojn pri la tuta nacio surbaze de stultuloj kiel ili

Unu komentinto en la novaĵa blogo de Kloop (probable) ŝajnigis [ruse] sin agitanta naciisto-parlamentano, Zhyldyz Zholdosheva, fama pro sia subteno al proponoj de “Persona Non Grata (persono ne dezirata)” en la parlamento:

Ih nado obyavit’ personami «NON GRATA»! Ya gotova vam dat’ interview po povodu etoy pesni i eye ispolniteley, pozvonite mne, «klooptsy». Deputat JK KR, Zhyldyz Zholdosheva

Ni devas deklari ilin kiel “persona non grata”! Mi estas preta doni intervjuon pri tiu kanto kaj la duopo. Telefonu min, Kloop! Kirgizia Parlamentano Zhyldyz Zholdosheva

Sed norvega civitano Ivar Dale, kiu laboris en Kirgizio dum longa tempo, argumentis [ruse] en Kirgiza Servo de RFE/RL, ke Ylvis ne volis ofendi iun intence:

Ylvis – это норвежские комики и довольно известные. Обычно их программы очень смешные.

Ylvis estas sufiĉe fama komikisto en Norvegio, kaj iliaj prezentaĵoj kutime estas tre amuzaj

Krom prezenti “Zhanym” la duopo ankaŭ filmis [norvege] humurajn epizodojn por la norvega TV-kanalo Norge pri siaj aventuroj en Kirgizio, en kiu loka blogisto Ilya Lukash ludas ĉefrolon.

Ĉi tiu artikolo estas parto de la Centrazia Staĝa Projekto de Global Voices ĉe Usona Universitato de Centra Azio en Biŝkeko, Kirgizio.

Komenci konversacion

Aŭtoroj, Ensaluti »

Gvidlinioj

  • Ĉiuj komentoj estas kontrolitaj de administranto. Ne sendu vian komenton pli ol unufoje ĉar tiu povus esti markita kiel spamo.
  • Bv. respekti al la aliaj. Komentoj kiuj enhavas malamajn esprimojn, obscenaĵojn kaj personajn atakojn ne estos aprobitaj.