See all those languages up there? We translate Global Voices stories to make the world's citizen media available to everyone.

Islando malfeliĉas pro la unua homo mortigita de polico

Police in Reykjavik, Iceland

Polico en Rejkjaviko, Islando. Bildo de Christopher Porter (CC BY-NC-ND 2.0)

Tiu artikolo estas skribita de Traci Tong kaj origine aperis en PRI.org la 3-a de decembro 2013. Ni republikigas ĝin laŭ interkonsento pri intreŝanĝo de tekstoj. 

Senprecedenca afero okazis en Islando — La polico mortigis homon.

“La tuta nacio estis en ŝoko, ĉar tia afero ne ofte okazas en nia lando,” diris Thora Arnorsdottir, ĵurnalisto de RUV, la nacia radia kaj televida kompanio en Islando.

Ŝi parolis pri 59-jara viro, kiun estis mortigita de la policio lastlunde. La viro tuj ekpafis kontraŭ la policistoj kiam ili eniris lian domon. Li havis historion de mensa malsano.

Tio okazis la unuan fojon, post kiam Islando fariĝis sendependa respubliko en 1944. Fakte, la islanda polico eĉ ne portas armilojn. Perfortaj krimoj malofte okazas en tiu lando.

“La nacio ne volas ke la policistoj portu armilojn, ĉar tio estas danĝera kaj minaca”, diris Arnorsdottir. “Tio estas parto de nia kulturo. Oni uzas armilojn por ĉasi sporte, sed cetere vi neniam vidas armilojn.”

Fakte, islandanoj ne estas kontraŭ pafiloj. Rilate la kvanton de armiloj kompare kun la loĝantaro, Islando estas sur la 15-a loko en la mondo. Tamen, la nuna incidento estis tiel malofta, ke la najbaroj de la mortigita viro komparis la scenon al usona filmo.

La islanda ofico pri sekureco diris ke la policistoj, kiu ĉeestis, ricevos psikologian konsiladon. La ofico jam pardonpetis al la familio de la mortita viro — tamen ne nepre pro tio kio ili ion misfaris.

“Mi opinias, ke tio estas respektoplena,” Arnorsdottir says, “ĉar neniu volas preni la vivon de alia homo.”

Ankoraŭ estas multe da neresponditaj demandoj. Ekzemple, kial la policistoj ne provis intertrakti kun la viro antaŭ ol ili eniris la konstruaĵon?

“Oni ŝatas vivi en tiu lando, ĉar vi povas eniri la parlamenton, kaj ili nur petos ke vi malŝaltu vian poŝtelefonon por ke vi ne ĝenu la leĝfaristojn dum ili babilas. La ĉefministro kaj la prezidento na havas armitajn gardistojn. Tiu estas unu el la plej bonaj aferoj pri vivi en paca socio. Kaj ni ne volas ŝanĝi tion. “

2 komentoj

  • Joao batista

    Kara amiko Lucas, gratulon al vi pro la bela traduko de la teksto.
    Mi rimarkas, kun plezuro, ke via esperantnivelo iom post iom plibonigxas.
    Amike, via

    Joao Batista
    jbosilva@hotmail.com

  • Dieter Rooke

    EVIDENTE LA POLICISTO JA PORTIS ARMILON . TUTCERTE EKZISTAS ANKAU EN ISLANDO MENSAMALSANULOJ. LAU SCIENCA ESPLORO- CHIU HOMO SUB CERTAJ KONDICHOJ PRETAS MURDI ALIAN

Partopreni en la konversacio

Aŭtoroj, Ensaluti »

Gvidlinioj

  • Ĉiuj komentoj estas kontrolitaj de administranto. Ne sendu vian komenton pli ol unufoje ĉar tiu povus esti markita kiel spamo.
  • Bv. respekti al la aliaj. Komentoj kiuj enhavas malamajn esprimojn, obscenaĵojn kaj personajn atakojn ne estos aprobitaj.