- Global Voices en Esperanto - https://eo.globalvoices.org -

Latinameriko: Ne ĉiuj fabeloj bezonas princinojn

Kategorioj: Arto kaj kulturo

Princinoj kontraŭ Eksterordinaraj virinoj. Rakontoj inspiritaj de Frida Kahlo kaj Violeta Parra

La argentina eldonejo Sudestada publikigis kolekton [4] de infanaj libroj titolitan Antiprincesas [Kontraŭprincinoj], en kiu ĉefrolas la meksika pentristino Frida Kahlo kaj la ĉilia komponistino Violeta Parra.

La heroinoj de tiuj rakontoj ne loĝas en kasteloj, nek atendas ĉarman princon, kiu ilin savas. Se ili havas ion komunan, tio estas, ke ili estas latinamerikaninoj kaj ke ili eskapis el la kliŝoj siatempaj.

Dum intervjuo por la retejo Verne, Nadia Fink [5], la aŭtoro de la ilustritaj verkoj diris [6] :

“Las Antiprincesas seguirán siendo latinoamericanas porque decidimos contar la historia de Nuestra América, en un continente que nos late y nos identifica. Un poco es contraponerlos a los relatos de las princesas en un entorno continental de Europa, alejado de nuestra cultura y nuestro paisaje”.

“La kontraŭprincinoj daŭre estos latinamerikaninoj, ĉar ni decidis rakonti la historion de nia Ameriko, en kontinento, kiu pulsas en ni kaj identigas nin. Iomete ili kontrastas kun la rakontoj de princinoj en Eŭropo, malproksima kontinento for de nia kulturo kaj nia pejzaĝo.”