Tripiedaj potoj ĝenerale uzataj en Bocvano. Se junulino manĝos rekte el la poto, onikrede ŝi ne edziniĝos. Foto publikigita de Rach151, krea komunaĵo.

Afrikanoj, same kiel homoj aliloke en la mondo, uzas Tviteron diverscele: foje por ridindigi sin, foje por trovi komunan bazon tra landoj kaj kulturoj kaj foje por ambaŭ.

Ekzemple, Gitz, kenja studento, faris la krad-etikedon #100AfricanMyths por kunhavigi popolkredojn, kiuj estas transprenitaj de generacio al generacio en afrikaj landoj, ĉefe parole.

Popolkredoj en Afriko servas al diversaj soci-kulturaj bezonoj. Gepatroj, ekzemple, uzas popolkredojn por teni siajn junajn infanojn sub kontrolo.

Jen ekzemploj de kelkaj pli ridigaj afrikaj popolkredoj.

Faith Liam Mulungi, uganda radioprezentisto, pepis:

When your palms itch,you will receive money#100AfricanMyths

— Faith Liam Mulungi (@Omulungi_Hawt) September 27, 2016

Se viaj manplatoj jukas vin, vi ricevos monon.

Soldier klarigis komunan popolkredon, kiu disvastiĝis en lernejoj, en kiuj okazis vergado:

#100AfricanMyths putting Onions under your armpits made you faint when the teacher beat you ??????

— Soldier ↪ (@PatohShanqueels) September 27, 2016

Metu cepojn en viajn subbrakojn, kaj vi svenos, kiam via instruisto batos vin ??????

Ne tondu viajn ungojn nokte ― laŭ Amanda black en Sud-Afriko:

U can't cut ur nails at night, coz the witches will come and pick them #100AfricanMyths

— Amanda black ? (@xolelwandengane) September 27, 2016

Vi ne povas tondi viajn ungojn nokte, ĉar sorĉistinoj venos por preni ilin.

Flo Letoaba, prezentisto de sud-afrika radia parolprogramero, aldonis ĉi tion al la miksaĵo:

If you eat out of a pot while cooking, you won't get married #100AfricanMyths

— Flo Letoaba (@florenceletoaba) September 27, 2016

Se vi manĝos rekte el poto, vi ne edziniĝos.

Fajfado dum nokto povas esti tre danĝera ―  onikrede:

#100AfricanMyths If you whistle at night, a snake will visit your room

— The Usual Suspect (@Jude_Mugabi) September 27, 2016

Se vi fajfos nokte, serpento vizitos vian ĉambron.

Infanoj estis edukitaj ne moki handikapitojn ― laŭ ռɨʟօtɨċ en Ugando:

If you laugh at a lame person you would give birth to a lame child…. #100Africanmyths

— ռɨʟօtɨċ (@NaughtyMilz) September 27, 2016

Se vi mokos lamulon, vi naskos laman infanon….

Strigo estas mesaĝisto de morto ― diras Gitz:

If an owl screechs near your house, someone is gonna die. #100AfricanMyths

— African President? (@iGitz_) September 27, 2016

Se strigo krietas proksime de via domo, iu estas mortanta.

Ne forbalau fortunon el via domo ― Vinnie el Kenjo avertis:

Never sweep dirt from your house at night, that is like throwing away luck from your home #100AfricanMyths

— Vinnie (@vinny_wa) September 27, 2016

Neniam forbalau malpuraĵon el via domo nokte, ĉar tion fari estas kiel forĵeti fortunon el via domo.

Popolkredoj estis ankaŭ uzataj por igi infanojn koncentriĝi en klasĉambro:

#100AfricanMyths
Sitting in the front row at school will guarantee you a pass

— Tumi Sole (@tumisole) September 27, 2016

Sidi unuavice en lernejo garantios al vi sukceson en ekzameno.

Kvankam tiuj popolkredoj eliĝis el diversaj partoj de Afriko, Dickens Jnr, afrik-usonano en la subŝtato Miĉigano en Usono, diris, ke li jam konis ĉiujn ilin:

Relating to most of the #100AfricanMyths tweets is just ?. I swear I have heard almost each one Of them.

— Dickens jr (@iickens) September 27, 2016

Se temas pri plejparto de #100AfricanMyths, pepaĵoj estas ĝustaj ?. Mi ĵuras, ke mi jam konis preskaŭ ĉiujn ilin.