See all those languages up there? We translate Global Voices stories to make the world's citizen media available to everyone.

Misio de Palestina viro – fari urban agrikulturon pli daŭrigebla

 

Ĉi tiu afiŝo de Todd Reubold estis origine publikigita ĉe Ensia.com, revuo reliefiganta la internaciajn aktualajn solvojn por la naturmedio, kaj estas republikigita ĉi tie kiel parto de interkonsento pri kundivido de enhavoj.

Ĉirkaŭ la mondo urba agrikulturo ludas rolon en nutrado de kreskanta tutmonda loĝantaro de Mezameriko ĝis Mezoriento.

La filmeto supra prezentas Said Salim Abu Naser, proponanto de daŭrigebla agrikulturo, vivanta kaj laboranta en la urbo Gaza, Palestino, laŭ la mediteranea marbordo.

Abu Naser kreis 200 kvadratajn metrojn da malgranda kultivejo, uzante akvokultivan sistemon kaj mempreparitan organikan pestosubpreman solvaĵon konsistantan el ajlo, pipro, sapo kaj tiel plu.

Ĉiujare li produktas proksimume 3500 kilogramojn da nutraĵoj – sufiĉa por nutri 30 homojn. Eble estas pli grave, tamen, ke lia urba kultivejo povas esti modelo por tiuj, kiuj esperas kreskigi nutraĵojn daŭrigeble en malgrandaj skaloj.

Ĉi tiu filmeto estis planita, filmita kaj redaktita por Enisa fare de Yasser Abu Wazna, sendependa filmfaristo bazita en la palestinaj teritorioj.

Komenci konversacion

Aŭtoroj, Ensaluti »

Gvidlinioj

  • Ĉiuj komentoj estas kontrolitaj de administranto. Ne sendu vian komenton pli ol unufoje ĉar tiu povus esti markita kiel spamo.
  • Bv. respekti al la aliaj. Komentoj kiuj enhavas malamajn esprimojn, obscenaĵojn kaj personajn atakojn ne estos aprobitaj.