Ĉu vi vidas ĉiujn lingvojn supre de la paĝo ? Ni tradukas rakontojn el Global Voices por ke civitanaj komunikiloj tra la mondo estu alireblaj por ĉiuj.

Mediafabla hazardo-entrepreno de barata virino kreas paperajn donacetojn, el kiuj kreskas plantoj.

Miniaturaj paperflagetoj en Barato. Bildo el Flickr fare de Daniel Incandela. CC BY-NC 2.0

[Tiu ĉi artikolo estis originale publikita en 2017]

Dum naciaj festotagoj kaj aliaj okazaĵoj, vi povas vidi amasojn da homoj feste svingantaj centojn aŭ milojn da flagetoj. Sed fine de la amuzo, tiuj flagetoj ofte estas forĵetitaj kaj restas kiel defalaĵo.

Sed kio se ili ne iĝintus defalaĵo? Kio se ili enhavus semerojn kiuj, per iom da flego, elkreskus ĝis plantoj? Tio estas la kreiva ideo [en] de barata naturamantino kun magistrodiplomo pri krimesplora bioteknologio [eo] – infuzi semerojn en donacetojn faritajn el forĵetaĵoj.

Mansi Shah [en] lanĉis la entrepreneton ‘Gift Green’ antaŭ unu jaro, post kiam ŝi forlasis sian lukran postenon celante fari ion bonan por la naturmedio. Ŝi komencis per la kreado de grundo kaj semeroj mulditaj [en] en formon de ‘modaks‘ [en], t.e. dolĉaj pastobuloj por la festivalo en Ganesh Charuti. Poste ŝi kreis semer-infuzitajn ‘rangoli‘ [en], t.e. formojn de argilo-arto uzatajn dum la Divalo-festivaloj [eo].

Tio instigis ŝin progresi per novaj ideoj. Shah rakontis [en] dum intervjuo al The Times of India ke ŝin inspiris japana kutimo kie semeroj estas fiksitaj al angulo de taggazeto kaj legantoj ricevas informojn pri kiel ilin planti. Ŝia patro havis presilon kaj ŝi uzis lian helpon por realigi la ideon pri metado de semeroj interne de la papero.

Baldaŭ ŝia entrepreneto fabrikis paperaĵojn en formo de dezirkartoj, paĝaj signiloj, edziĝinvitiloj, taglibroj, ĵurnaloj kaj submetaĵoj, infuzitajn per semeroj de diversaj plantoj.

Tiuj aĵoj vendiĝis kun instruoj pri kiel planti la donacetojn. La koloro de la papero kongruas kun la speco de semeroj enmetitaj; ekzemple, ruĝa signas tomaton kaj verda signas bazilion.

Homoj laŭdas tiun ĉi ideon kiel grava paŝo favore al la medio. Rajashree Kuttisankaran‎ skribis in Facebook-kontribuo:

Just when I thought there couldn't be a perfect gift, Gift Green came along. I hate to gift a bouquet of flowers that'll die soon, or a showpiece that is forgotten in a week. On the other hand, a plant will grow and with good care, be around forever.

Ĵus kiam mi kredis ke perfekta donaco ne ekzistas, Gift Green aperis. Mi malŝatas donaci florbukedon kiu baldaŭ forvelkos, aŭ montrindaĵon kiu iĝas forgesita post semajno. Planto, kontraŭe, kreskos kaj, se bone flegitaj, restos poreterne.

Debjyoti Bhattacharyya sugestis ke aliaj povas imiti la ideon de Shah:

আচ্ছা, বইমেলায় মেলাপ্রাঙ্গণ যারা কাগজের টুকরোয় ছেয়ে দেন, তাঁরা এটা ভাবতে পারেন না?
আচ্ছা আনন্দ, পত্রভারতী, দেবসাহিত্য কুটির, দেজ, মিত্র ও ঘোষ, আপনারা যে প্যাকেটে বই দেন, তা তো দু মিনিট বাদের সবাই ছিঁড়ে ফেলে দেয়! ওর একধারে মানসীর মত কয়েকটা প্রায় অদৃশ্য বীজ আটকে দিলে খুব সমস্যা হবে কি? ভাবুন তো, সে প্যাকেটটা রাস্তার ধারে কোন আস্তাকুঁড়েতে গাছ হয়ে যাচ্ছে।

Tiuj kiuj ornamas la librofoiron per paperaj girlandoj, ĉu ili ne povas imiti tiun ĉi ideon? Eldonistoj kiel Ananda, Potrvarati, Dev Sahitya Kutir, Dey's, Mitra kaj Ghosh vendas librojn en formo de maldikaj paperpakedoj kiuj finiĝas surstrate aŭ en rubujo. Infuzi kelkajn semerojn en tiujn pakedojn, ĉu estas tiel malfacile? Imagu ke pakedo forĵetita en stratangulo aŭ rubujo iĝos planto.

La organizaĵo de Shah ankaŭ ekigas motivigajn kaj kapabligajn iniciatojn kiel metiejojn pri kompostado kaj ĝardenumado. Ili volas disponebligi pli personigitajn mediafablajn erojn kiuj plivastigos ilian mision.

Komenci konversacion

Aŭtoroj, Ensaluti »

Gvidlinioj

  • Ĉiuj komentoj estas kontrolitaj de administranto. Ne sendu vian komenton pli ol unufoje ĉar tiu povus esti markita kiel spamo.
  • Bv. respekti al la aliaj. Komentoj kiuj enhavas malamajn esprimojn, obscenaĵojn kaj personajn atakojn ne estos aprobitaj.