Ĉu vi vidas ĉiujn lingvojn supre de la paĝo ? Ni tradukas rakontojn el Global Voices por ke civitanaj komunikiloj tra la mondo estu alireblaj por ĉiuj.

Lernu pli pri LINGUA Traduko  »

Kial atendi? Vikipedio kaj Google erare deklaras Putin venkanto de la prezidentaj balotadoj de 2018

[La originala artikolo jam aperis en januaro 2018]

Putin erare deklarita venkanto de la prezidento-balotadoj de 2018 fare de Google // Ekrankopio de Christopher Moldes

La rusiaj prezidentaj balotoj, estas ankoraŭ du monatoj for sed, kvankvam estas multaj konkurantoj, oni atendas ke Vladimir Putin facile certigos al si kvaran oficperiodon.

La 15-an de januaro, per io kio ŝajnis provo por ŝpari tempon aŭ eviti la nervozigan dramon de la voĉonombrado dum la balotnokto, Google deklaris Putin venkanto de la balotadoj de marso 2018.

Ruslingva Google-serĉo “balatoj 2018″ rezultigis la kutiman ekrankopion de la analoga Vikipedio-artikolo. Sub “venkanto” aperis portreto de Vladmimir Putin, kiel videbla ĉi-supre.

Tiu ĉi kurioza eraro aperis dank'al la serĉteĥnologio de Google, kiu foje donas informojn, celita por helpi respondi la serĉmendon de la uzanto. Por tiaj sercoj, la informoj kutime venas ĉu de Vikipedio ĉu de oficialaj registaraj retejoj, kiujn Google konsideras fidindaj.

Sed ĉikaze, la rusa Vikipedio-artikolo pri la balotoj de 2018 estis ĉio krom tio.

Stanislav Kozlovsky, la direktoro de la rusia sekcio de Wikimedia, la patrina kompanio de Vikipedio, klarigis la eraron en komento al RBC, rusia retejo pri negoconovaĵoj:

Неизвестный дописал фамилию Путина в преамбулу статьи о выборах, после чего поисковик индексировал ее и отобразил в выдаче новый вариант.

Iu aldonis la nomon de Putin al la antaŭklarigo de la artikolo pri la balotoj, post kiam la serĉmotoro indeksis ĝin kaj montris la novan varianton en siaj rezultoj.

Vikipedio estas konata pro ĝia amaskontribua modelo, per kiu volontulaj uzantoj povos kontribui post kontrola proceduro.  Kvankvam tio povas varii laŭ la lingvo, ĉiuj Vikipedio-retejoj havas normigitan proceduron por preventi malakurataĵojn kiel ĉi tiun. Sed montriĝis ke tiuj proceduroj ne estis observitaj por la rusia versio de la paĝo. Ĉu oni kreis la eraron kiel ŝercon, aŭ kiel politikan movon, neniu scias.

La eraro estis korektita post 20 minutoj, sed tio estis pli ol sufiĉe por generi humurajn reagojn, kiel la humura referenco:

Iu alvoku senatanon Pushkov [NDLR : ĉar Usonanoj subtenas Putin’)]. Uzante Google, la usonanoj enmiksiĝis en niajn balotojn, proponantaj kandidaton kiu estos favora al ili.pic.twitter.com/IFDbL149g0

— Rusio parolas (@Russia_calls) la 14-an de januaro 2018.

Alexey Pushkov, rusia senatano kiu estas ano de la Konsilantaro de la Federacia Komitato por defendo kaj sekureco, estas konata pro lia ofta kaj militema tviterado kiuj kaj rifutas imputojn pri la enmiksiĝo en aferojn de alia lando kaj mallaŭdas fremdan (aparte usonan) enmiksiĝon en la aferojn de Rusio.

Kvankvam malprobable ke multaj uzantoj konsideris tion serioza, la incidento estas simptoma por kelkaj multe pli vastaj problemoj.

Tio ĉi estigas la demandon pri kiel Google decidas kiuj fontoj estas sufiĉe fidindaj por esti prezentitaj tiel, ke ili asertas “respondi” al la demandoj starigitaj en sia serĉilo. Kvankvam Vikipedio povus esti pli forta aŭ malpli kontroversa elekto ol iu ajn gravega novaĵokomunikilo, ĝi enhavas tiajn erarojn. Oficialaj registaraj retejoj povas ankaŭ doni forte misprezentitan version de la faktoj. Tiu ĉi eraro povus instigi Guglon [Google] al rekonsiderado ĉu tiu tipo de aperigo ne kreas pli da problemoj ol ĝi solvas.

Supozante ke Google kaj aliaj serĉmotoroj daŭre montras rezultojn tiamaniere, la incidento estigas demandojn pri kiugrade oni povas fidi retajn platformojn se temas pri novaĵoj kaj informoj. Grava procentaĵo de junaj rusianoj uzas Interreton por novaĵoj, kvankvam temas pri minoritato kompare al la tuta enloĝantaro, kiu grandparte daŭre fidas al la televizio.

Ĉar Interreto-aliro altiĝas en Rusio, oni povas atendi ke tiuj nombroj pligrandiĝos. De Brazilo, ĝis Indonezio kaj Usono, pli kaj pli da homoj de ĉiuj aĝogrupoj transiras aŭ transiris al la uzado de retaj platformoj kiel sia plej grava fonto de novaĵoj kaj informoj. Tio signifas ke homoj pli kaj pli kalkulas je serĉo-rezultoj, novaĵo-fluoj kaj aliaj aŭtomatizitaj informiloj por akiri akuratajn informojn pri la ĉirkaŭa mondo. Se io tiel simpla kiel Vikipedia eraro povas generi kaskadon de misinformojn pri io tiel grava kiel prezidenta baloto, ni povas antaŭvidi pli da problemoj.

Responde al argumentoj pri la neceso kontraŭbatali misinformojn kaj “trompajn novaĵojn”, komunikado-analizisto Nina Jankowicz proponas ke ni uzas longperspektivan aliron kaj klopodas evoluigi la kritikajn penskapablojn de uzantoj.

Tio povas aŭ ne povas sukcesi, depende de kie oni vivas kaj de kiel oni instruis al vi la uzadon de Interreto. Sed bonŝance por iu ajn kiu renkontis tiun serĉotrafon, multe da kritika pensado ne estis bezonata por kompreni ke tio estas ne pli ol grandioza granda eraro.

1 komento

Partopreni en la konversacio

Tradukantoj, bonvolu Ensaluti »

Gvidlinioj

  • Ĉiuj komentoj estas kontrolitaj de administranto. Ne sendu vian komenton pli ol unufoje ĉar tiu povus esti markita kiel spamo.
  • Bonvolu konduti respekteme al aliaj. Komentoj kiuj enhavas malamajn esprimojn, obscenaĵojn kaj personajn atakojn ne estos aprobitaj.