Ekrankopio de la videa prezentaĵo fare de Subhashish Panigrahi.

Noto de Rising Voices: Nia monata informilo havigas resumon de niaj lastatempaj blogaĵoj pri ĉiuj aspektoj de cifereca inkluzivigo, inkluzive de la aliro kaj adopto de ciferecaj iloj, kaj ankaŭ pri malsamaj manieroj kaj ebloj plene partoprenigi komunumojn en Interreto. Legu ĉi tie antaŭajn eldonojn de tiu ĉi informilo.

Saluton legantoj, kiel vi fartas? Ni havas ion ekscitan por kunpartigi kun vi ĉiuj!

Pasintjare, la barcelona organizaĵo Linguapax International kreis Amasan Interretan Malferman Kurson (MOOC) nomatan Lingva diverseco, por kio?  kaj invitis Rising Voices, kune kun aliaj fakuloj, kontribui per siaj spertoj. La kurso nun haveblas ĉe la lernplatformo Coursera, kie interesiĝantaj partoprenantoj povas aliĝi senpage. En ĉi tiu kurso vi lernos ne nur pri kio temas lingva diverseco, sed ankaŭ pri praktikaj problemoj spertitaj kaj pritraktitaj en diversaj kuntekstoj tra la mondo.

Aldone, por tiuj kiuj legis multfoje pri la RV-komunumano Subhashish Panigrahi en ĉi tiu Informilo, vi nun havos la ŝancon renkonti sinjoron Panigrahi “persone” kaj aŭdi lin paroli pri la partopreno kaj la aliro de Rising Voices al cifereca lingvoaktivismo.

Por lerni pli pri ĉi tiu kurso kiun ni helpis krei, rigardu ĉi tiun varban filmeton de Linguapax International.

Parolante pri lingva diverseco… Kio estas la rolo kiun lingvo havas por povi trakti misinformadon? Tio estis la ĉefa temo de diskuto en lastatempa reta seminario organizita de Rising Voices kaj First Draft. Venu legi ĉi tiun artikolon por resumo de la konversacio kun fakuloj el Etiopio, Barato kaj Burkino, kiuj kunhavigis lokajn spertojn pri ĉi tiu afero.

Dume ni ŝatus kundividi kun vi la bonajn novaĵojn pri historia jura venko en Meksiko. Ĉi tio estas jura precedenco, kiu ne nur starigas limon inter komercaj kontraŭkomunumaj telekomunikadaj servoprovizantoj, sed kiu ankaŭ helpos certigi malmultekostan aliron al moveblaj servoj por kamparaj komunumoj tra la lando. Legu la tutan historion ĉi tie.

Ĉu vi laboras kun maljunuloj kaj/aŭ pripensas enkonduki maljunulojn ĉirkaŭ vi al iuj ciferecaj iloj, kiuj eble helpos ilin pli ĝui siajn vivojn? Eble vi volos kuniĝi kun samideanoj en ĉi tiu senpaga reta seminario organizata de 100% Digital Leeds kaj partneroj. Noto: Eventbrite-rezervilo estas konsilata.

Ĉu iu havas demandojn por edukistoj? Creative Commons [eo] disponigis sian serion Open Education Lightning Talks por ĉiuj, kiuj scivolas pri ĉi tiu temo. Se vi ne povis aliĝi al ĉi tiuj prelegoj pasintan decembron, estas via ŝanco aŭdi kion ĉi tiuj parolantoj volas kundividi pri sia laboro.

Ĉu vi bezonas iom da helpo kun via cifereca sekurecoplano aŭ celas plibonigi ĝin? Eble vi volos kontroli Umbrella – malfermfontan, krean komunaĵan [eo] apon de Security First. Bonvolu kunhavigi viajn pensojn kun ni, se vi testos ĝin!

• (angla) The FPCC 30th Anniversary Report [La raporto pri la 30-a datreveno de Kultura Konsilio de Unuaj Popoloj] pere de First Peoples’ Cultural Council
• (angla) Why the Yukon’s Indigenous languages are disappearing, and what’s being done to get them back [Kial la indiĝenaj lingvoj de la jukonoj malaperas kaj kio estas farata por revenigi ilin] pere de APTN
• (angla) Ghanaian Wikimedians Create Audio Recording Of 4000 Dagbani Words [Vikimedia-anoj de Ganao kreas registraĵon de 4000 dagbanaj vortoj] pere de NTV Ghana
• (angla) Free online Tlingit language class sees widespread interest during pandemic [Senpaga reta kurso pri la tlingita lingvo ĝuas vastan intereson dum la pandemio] pere de KFSK

Abonu la informilon de Rising Voices (anglalingvan)