See all those languages up there? We translate Global Voices stories to make the world's citizen media available to everyone.

Kio estas Tutmondaj Voĉoj?

Foto prenita en 25 Januaro 2015 en Cebu, Filipinoj, por festi la 10-jaran datrevenon de Tutmondaj Voĉoj. CC BY-NC 2.0

Foto prenita por festi la 10-jaran datrevenon de Tutmondaj Voĉoj en Cebu, Filipinoj. CC BY-NC 2.0

Ni estas senlandlima komunumo de multaj volontuloj kun pli ol 1400 verkantoj, tradukantoj, analizistoj kaj spertuloj pri retaj komunikiloj.

Tutmondaj Voĉoj [Global Voices] daŭre gvidas la konversacion pri raportado en civitanaj komunikiloj ekde 2005. Ni kolektas, kontrolas kaj tradukas furorajn novaĵojn kaj rakontojn, kiujn vi eble maltrafis en Interreto, el blogoj, sendependaj gazetoj kaj sociaj komunikiloj en 167 landoj.

Multaj el la plej interesaj kaj gravaj rakontoj de la mondo ne troviĝas nur en unu loko. Kelkfoje ili estas disĵetitaj en pecojn tra Interreto, en blogaĵojn kaj tviteraĵojn, kaj en multajn lingvojn. Ĉi tiuj estas la rakontoj, kiujn ni fidele raportas en Tutmondaj Voĉoj — kaj tradukas en pli ol 40 lingvojn.

Kion ni faras

Raporti: Nia fidinda teamo de redaktoroj kaj verkantoj raportas pri 167 landoj en nia tute virtuala neprofitcela redaktejo.

Traduki: Nia internacia teamo de tradukantoj prezentas niajn rakontojn en pli ol 40 lingvoj.

Defendi: Nia projekto Advox defendas rajtojn kaj liberecojn en la reto kaj batalas kontraŭ cenzuro.

Kapabligi: Nia projekto Leviĝantaj Voĉoj [Rising Voices] kapabligas izolitajn kaj marĝenigitajn komunumojn per iloj, teknikoj kaj subteno.

Ligi: Ni organizas pintkunvenojn por ke niaj tutmondaj kontribuantoj kaj la publiko kontaktiĝu vizaĝ-al-vizaĝe. Centoj da homoj renkontiĝis en 8 malsamaj landoj en la lastaj dek jaroj.

Informiĝu pri ĉiuj niaj projektoj ĉi tie.

Misio

Ni laboras por trovi la plej instigajn kaj gravajn rakontojn el marĝenigitaj kaj misprezentitaj komunumoj. Ni malkaŝe parolas kontraŭ interreta cenzuro kaj subtenas novajn manierojn por ke homoj akiru aliron al Interreto.

Nia kulturo

Ni alte taksas scivolemon, honestecon kaj ligitecon en la nomo de komprenado kaj amikeco trans landlimoj. Nia celo estas kapabligi homojn, kiuj estimas justecon, egalecon kaj kunsentemon.

Jura Stato

Tutmondaj Voĉoj estas registrita en Nederlando kiel Stichting Global Voices [Fondaĵo Tutmondaj Voĉoj], neprofitcela fondaĵo. La komunumo Tutmondaj Voĉoj konsistas el volontulaj kontribuantoj kaj kontrakta personaro, administrataj de estraro. Legu pli pri nia laboro en niaj jarraportoj inkluzivantaj jaran financan informon.

Ĉu vi vola pli da detaloj? Legu niajn Oftajn Demandojn.

STICHTING GLOBAL VOICES
151 Kingsfordweg
1043GR Amsterdam
Netherlands
RISN No: 818855605