Ĉu vi vidas ĉiujn lingvojn supre de la paĝo ? Ni tradukas rakontojn el Global Voices por ke civitanaj komunikiloj tra la mondo estu alireblaj por ĉiuj.

Intervjuo en rusa ŝtata televido kun la ĉefadministranto de BlaBlaCar nuligita ĉar ŝi estas virino.

Foto de la kartona figuro de la ĉefadministrantino Irina Reyder en la rusa oficejo de BlaBlaCar.      Foto el la fejsbuka paĝo de Irina Reyder.

[Ligiloj en tiu ĉi artikolo estas en Esperanto [eo], krom [en] = en la angla aŭ [ru] = en la rusa]

Irina Reyder, la ĉefadminstrantino (ĈA) de la rusa filio de la servo pri aŭtomobila kunveturado BlaBlaCar [en], asertas ke la intervjuo kun ŝi ĉe Pervyy Kanal estis nuligita ĉe la Unua Televida Kanalo posedata  de la ŝtato, kiam la produktanto de la programo ekkonsciis, ke temas pri virino.

Reyder skribis [ru] sur sia FB-paĝo pri la akcidento. Ŝi diras, ke ŝi estis aŭskultanta la interparolon inter la produktoro [eo] de la Unua Kanalo kaj la funkciulo pri publikaj rilatoj [PR] de BlaBlaCar kaj ke ŝi registris la dialogon inter ambaŭ :

Р (редактор передачи “Доброе утро”): Формат будет такой: корреспондент едет за рулем и берет интервью у вашего эксперта.

PR (PR – менеджер BBC): Да, отлично.

Р : А кто будет спикером?

PR: Наш генеральный директор Ирина Рейдер.

Р : Ой….у вас же был замечательный парень ..

С: Да, у нас был генеральный директор Алексей Лазоренко, а сейчас Ирина Рейдер.

PR : Да, я знаю, что в прошлом году у вас сменился генеральный директор. Но Ирина как спикер не подходит. Понимаете, у зрителя есть стереотипы… Ну, там, хороший юрист – это мужчина. Или автомобильный эксперт – мужчина, но не женщина. Может быть вы, Сергей, сможете дать нам интервью?

R (iu redaktoro de la tv-programo Dobroye utro” [en] (‘bonan tagon’): Jen la filmformato [eo] : Nia raportisto stiras aŭtomobilon dum li intervjuas vian spertulon.
PR (PublikRilata [eo] oficisto de BlaBlaCar): Jes, bonege.
R: Kaj kiu estos la spertulo?
PR: Nia ĈA [ĈefAdministranto] : Irina Reyder.
R: Ha… iam vi havis knabon, ĉu ne?
PR: Jes, ni havis Alexey Lazorenko kiel ĈA, sed nun estas Irian Reyder.
R: Jes, mi scias pri la okazintaj ŝanĝoj pasintjare en via gvidantaro. Sed Irina ne estos intervjuata kiel spertulo. Vidu, nia publiko kredas je iuj stereotipoj… Vi scias, lerta advokato kutime estas viro. Aŭ iu kiu tre spertas pri aŭtomobiloj – viro, ne virino. Eble vi, Sergey, povus doni intervjuon ?

Kiam Sergey, la PR de Reyder, diris al la redaktoro, ke ne estas viraj spertuloj en la kompanio, tiu lasta promesis retelefoni post interkonsiliĝo kun la produktisto. En posta telefonado kun la reprezentanto de BlaBlaCar, oni komunikis ke la formato [eo] de la programo estis ŝanĝita kaj ke oni intervjuos la uzantojn de la servo.

“Kion vi pensas? Ĉu la novaj spertuloj estos sufiĉe spertaj?” demandas sarkasme Reyder siajn sekvantojn.

En komento al TJournal [ru], kanalo pri teknologio kaj socia komunikado, la gazetara agentejo mem de la Unua Kanalo ne neis la verecon de la dialogo, sed insistis ke la aliro ne estis seksisma. Tamen ĝia klarigo ne proponis sufiĉe solidan pravigon de tiu aserto :

Два корреспондента — молодой человек и девушка – планируют продемонстрировать мужской и женский подход к экономии. При этом девушка советуется с мужчинами-экспертами, а молодой человек — с экспертами-женщинами. Поскольку девушка планирует экономить на поездках, ей предстоит разговаривать с представителем сервиса поиска попутчиков (да, по задумке этого сюжета, а не из-за гендерного неравенства, он должен быть мужчиной).

Du raportistoj, unu junulo kaj unu junulino, intencas pruvi ke viroj kaj virinoj malsame vidas monŝparadon. La ina juna reportero intervjuos virajn fakulojn, kaj la vira juna reportero intervjuos inojn. Ĉar la celo de la ina raportisto, estas ŝpari en aŭtomobilaj vojaĝoj, ŝi parolos kun reprezentanto de kunveturiga servo (jes, pro la strukturo mem de la programo, ne pro la malsameco de la sekso, devas ja esti viro).

La Unua Kanalo ne precizigis kiel la aliro de ino al ŝparado estas malsama de tiu de la viro, sed la publiko ĉiuokaze ne estis persvadita kaj la alfronto de la problemo fare de la televida reto estis akceptita kun kritikoj.

Irina Reyder, ĜA de BlaBlaCar, asertas ke ŝi estis malinvitita en la programo “Bonan tagon” sur la Unua Kanalo fare de la redaktoro, kiam oni eksciis, ke ŝi estas virino. Estas surprizige konstati, ke ekzistas ankoraŭ aspektoj de frenezo ĉe la Unua Kanalo, pri kiuj ni sciis nenion.

Malgraŭ la negativaj reagoj kiujn la Unua Kanalo registris rete, Rusio havas ankoraŭ longan vojon irotan koncerne sekso-egalecon. Rusio estas je la 75-a loko inter la 149 landoj priesploritaj de la Global Gender Gap Report 2018 [en] de la Monda Ekonomia Forumo [eo]; ĝi akiris bonan klasifikon koncerne egalecan aliron al la sanitara helpo kaj al instruado al virinoj, sed mankas leĝaro kiu protektu la virinajn rajtojn [en]. La rusaj feministinoj kaj iliaj subtenantoj ofte uzas amaskomunikilojn kaj satiron [ru] por senmaskigi seksismajn kutimojn kaj praktikojn.

Komenci konversacion

Aŭtoroj, Ensaluti »

Gvidlinioj

  • Ĉiuj komentoj estas kontrolitaj de administranto. Ne sendu vian komenton pli ol unufoje ĉar tiu povus esti markita kiel spamo.
  • Bv. respekti al la aliaj. Komentoj kiuj enhavas malamajn esprimojn, obscenaĵojn kaj personajn atakojn ne estos aprobitaj.