Ĉu vi vidas ĉiujn lingvojn supre de la paĝo ? Ni tradukas rakontojn el Global Voices por ke civitanaj komunikiloj tra la mondo estu alireblaj por ĉiuj.

Lernu pli pri LINGUA Traduko  »

Rememorigo de la ribelo '88 por demokratio en Mjanmao

Rememorigo de la 31-a datreveno de la populara ribelo '88 por demokratio en la centro de Jangono [eo] estis organizita la 8-an de aŭgusto 2019 al kiu aliĝis iamaj studentaj gvidantoj, kiuj estis implikitaj en la movado, oficialuloj de la regiona registaro en Jangono por honori tiujn, kiuj perdis sian vivon dum la interveno dum la protestoj.  Foto kaj apudskribo de Aung Kyaw Htet /The Irrawaddy [eo]

Ĉi tiu artikolo [en] de Wei Yan Aung aperis en The Irrawaddy [eo], sendependa novaĵretejo en Mjanmao /Birmo [eo], kaj estas nun republikigita en Global Voices [Tutmondaj Voĉoj] kiel parto de interkonsento pri interŝanĝo de enhavo. Ĉi tio donas mallongan historian superrigardon pri la transiro de Mjanmao de la junta regado kaj la lukto por demokratio.

La 8-an de aŭgusto 1988, civitanoj en Mjanmao surstratiĝis por renversi la subpreman socialisman militreĝimon de la diktatoro Ne Win, kiu regis la landon per fera pugno ekde 1962.

Malgraŭ la kolapso de la reĝimo, la movado – konata kiel “la ribelo de '88” – kaŭzis sangan puĉon [eo] fare de militistoj.

La reĝimo de generalo Ne Win en 1987 demonetigis [NDLR : senigi la staton kiel monon] la 25, 35 kaj 75 birmajn kajto-monbiletojn [eo] sen averto aŭ kompenso kaj en marto kaj junio 1988 ĝi prenis brutalan mezuron por limigi studentajn movadojn en favoro de demokratio – eventoj, kiuj estis la fina pajlero por la birma loĝantaro [eo].

Prezidento U Sein Lwin, helpanto de Ne Win, kiu daŭre ludis rolon en la subpremado de pacaj manifestacioj depost la militreĝimo [eo] enscenigis puĉon en 1962, deklaris buĉon kaj ordonis perfortan intervenon kontraŭ la manifestaciantoj. Registaraj gazetoj diris, ke pli ol 300 personoj mortis, sed sendependaj fontoj taksis ke la efektiva cifero estas dek fojoj pli alta.

La militistaro, laŭ la instrukcio de Ne Win, kaptis potencon denove per puĉo antaŭ ol okazigi ĝeneralajn voĉdonojn [eo] en 1990, sed la militistoj ne transdonis potencon al la balota gajninto, la Nacia Ligo por Demokratio (NLD). Mjanmaro ree falis sub militista regado dum la sekvaj 20 jaroj, dum kiuj la militistaro [eo] verkis konstitucion favoran al ĝi.

Okazis denove ĝeneralaj voĉdonoj en 2010, sed la militistaro konservis sian plenan agadon per sia prokura Unia Solidareco kaj Disvolva Partio. La NLD, kiu naskiĝis el la por-demokratio '88-ribelo, venkis en la ĝeneralaj balotoj en 2015 [en] kaj fariĝis la reganta partio. Tamen al la NLD malfacile scias forigi la militistaron el la politiko.

Komenci konversacion

Aŭtoroj, bonvolu Ensaluti »

Gvidlinioj

  • Ĉiuj komentoj estas kontrolitaj de administranto. Ne sendu vian komenton pli ol unufoje ĉar tiu povus esti markita kiel spamo.
  • Bonvolu konduti respekteme al aliaj. Komentoj kiuj enhavas malamajn esprimojn, obscenaĵojn kaj personajn atakojn ne estos aprobitaj.