See all those languages up there? We translate Global Voices stories to make the world's citizen media available to everyone.

Artikoloj je Resumo

Virinaj komunikistoj indiĝenaj kaj afrikdevenaj celas “okupi la komunikilojn kaj la retojn”

[La originalo de ĉi tiu artikolo aperis en la 2a de septembro 2015.]

La oficala anonco estas farita por la Dua Konferenco de Virinaj Komunikistoj de Indiĝena kaj Afrika Devenoj. La konferenco, kies slogano estas “Ni okupas la komunikilojn, ni okupas la retojn”, okazos de la 6a ĝis la 10a de oktobro 2015, en la Centro de las Artes CASA (Centro de la Artoj) en San Agustín Elta, Oaxaca, Meksiko.

Laŭ la anonco la konferenco “intencas dediĉi apartan atenton al interŝanĝo de spertoj cele al kuna pensado pri la defioj kaj malfacilaĵoj en la laboro de virinaj komunikistoj, profundiĝi en temojn kiel socia sekso kaj interkulturismo en la komunikiloj; komunumaj komunikiloj kaj leĝaro; partopreno en la politika decidproceso kaj emancipiĝo de virinoj kaj uzado de la informaj kaj la komunikadaj teĥnologioj por komunikadaj strategioj”:

Mujeres que participan en proyectos comunicación, procedentes de comunidades indígenas y afrodescendientes de México y Centroamérica, se reunirán para potenciar el uso de herramientas digitales y transformar la información en acción; generando estrategias de comunicación al servicio de sus proyectos…

Virinoj, kiuj partoprenas en komunikadaj projektoj, afrikdevenaj aŭ venantaj de indiĝenaj komunumoj en Meksiko kaj Centra Ameriko, kunvenos por plibonigi la uzadon de ciferecaj helpiloj kaj por transformi informojn en agadon, kunmetante komunikadajn strategiojn por uzado en siaj projektoj.

Antaŭkondiĉoj por partopreno estas:
  • Comprometerse a participar durante los 5 días del Encuentro.
  • Trabajar o colaborar en la actualidad y de manera continua en proyectos de comunicación (radio, fotografía, video documental, etc).
  • Pertenecer a alguna comunidad / pueblo indígena o afrodescendiente de México o Centroamérica.

• Promesi partoprenadon dum la kvin tagoj de la konferenco.
• Daŭre kaj seninterrompe labori aŭ kunlabori en komunikadaj projektoj (radio, fotografio, dokumentaj filmoj ktp…).
• Esti de afrika deveno aŭ veni de indiĝena komunumo en Meksiko aŭ Centra Ameriko.

Por kandidatiĝi, plenigu la retan formularon disponeblan ĉi tie.

Forpasis la nobelpremiito pri paco Liu Xiaobo

Liu Xiaobo - Nobelpremia Ceremonio

Liu Xiaobo ricevas la Nobelpremion pri Paco en 2010. Foto: Marta B. Haga/MFA, Oslo (CC BY-ND 2.0)

Liu Xiaobo [Liu Ŝjaobo 刘晓波 Liú Xiǎobō], ĉina verkisto kaj disidento, forpasis la 13an de julio.

La Hodiaŭa Ĵurnalo publikigis raporton pri li:

Liu suferis pri hepata kancero, sed la Ĉina registaro neis al li laŭcelan kuracadon. Lia morto estigis ondon de internaciaj kondamnoj pri la maniero kiel Ĉinio malzorgas pri siaj politikaj malliberuloj. Usono, Germanio kaj Tajvano proponis flegadon al Liu, sed la Ĉina estraro rifuzis tion.

Liu ricevis la Nobelpremion pri Paco en 2010, li ne partoprenis en la ceremonio ĉar li estis en malliberejo ekde 2008. Liu defendis demokration kaj homajn rajtojn en Ĉinio.

Senpagaj infanlibroj rete haveblaj en 61 lingvoj

Se vi havas arabajn radikojn sed vivas en Brazilo, eble vi volas laŭtlegi al viaj infanoj “Abu Ali conta seus burros” [Abu Ali kalkulas siajn azenojn], popularan rakonton el Mezoriento, haveblan en la portugala en la Internacia Cifereca Biblioteko por Infanoj. Ekzistas pli ol kvar mil senpagaj infanlibroj en 61 malsamaj lingvoj. La celo estas akceli toleremon kaj respekton al diversaj kulturoj.

La plej feliĉaj landoj en la mondo estas ĉiuj en Latinameriko

La plej feliĉaj (kaj malplej feliĉaj) landoj en la mondo, taksitaj en http://t.co/4EccwDNBp7

Gallup intervjuis 150 000 plenkreskulojn en 148 landoj kun demandoj kiel “Ĉu vi ridetis aŭ ridis hieraŭ?” kaj “Ĉu vi lernis aŭ faris ion interesan hieraŭ?” por krei indicon de pozitivaj spertoj. Surprize, laŭ Quartz, la ĉefaj landoj kun pozitivaj emocioj estis ĉiuj en Latinameriko, de Paragvajo ĝis Nikaragvo.

La esploro uzis skalon de 0 ĝis 100, kaj trovis ke la monda averaĝo de la indico de pozitivaj spertoj por 2014 estis 71/100 — “same kiel por 2013 kaj ankaŭ por la jaroj ekde 2006.”

La lando kun la plej malalta poento pri pozitivaj emocioj estis Sudano (47/100). Niveloj de feliĉo estas malalta ankaŭ en Tunizio, Serbio, Turkio, kaj aliaj, evidente pro milito kaj aliaj formoj de politika malstabileco.

En Bolivio kaj Salvadoro, ekzemple, 59 porcentoj de intervjuitoj respondis “jes” al ĉiuj demandoj pri ambaŭ pozitivaj kaj negativaj emocioj, kio donis al ĉi tiuj nacioj aparte altajn “emociajn” poentojn.

La portugala: tutmonda lingvo?

Komunuma paĝo en Fejsbuko, Língua Portuguesa: Uma Língua Global? (La portugala lingvo: tutmonda lingvo?) sin provizas per diversaj rimedoj por disvastigi la debaton pri la ekspansio de la portugala lingvo kaj ĝiaj konsekvencoj. Rilate la politikojn de ĉi tiu lingvo kun ĉ. 200 milionoj da parolantoj, estas traktataj kelkaj kritikaj temoj kiel minoritataj lingvoj, multlingveco kaj lingvistika koloniismo.

Makedonio: Neloĝeblaj kondiĉoj en studentaj dormejoj malboniĝas

La kolektivo Plena Studentaro, herboradika movado, kiu luktas por la rajtoj de universitataj studentoj en Makedonio, publikigis novajn fotojn pri la neloĝeblaj kondiĉoj, en kiuj loĝas studentoj en la ĉefurbo de Makedonio, Skopjo. La movado sekvas senhalte la situacion en la ŝtataj dormejoj por studentoj, kaj petis plurfoje, ke la ŝtato plibonigu bazan higienon kaj sekurecajn kondiĉojn en la studentaj loĝejoj. Plena Studentaro lastatempe informis la publikon, ke la vivkondiĉoj kaj struktura sekureco de almenaŭ unu el la plej grandaj studentaj dormejoj en Skopjo plimalboniĝis, kaj memorigis, ke la registaro promesis antaŭ pli ol unu jaro tute rekonstrui la dormejojn, post kiam la internaciaj komunikiloj hontigis ilin.

12027701_1680075205556095_5865933752732667760_n 12036458_1680075198889429_8700357373653010949_n

En la akompananta teksto, Plena Studentaro nerekte mencias la novan institucion de speciala prokuroro, kiu devas pritrakti kazojn de korupteco, kiujn la ordinara prokuroro en Makedonio aktive ignoras.

Домовите се распаѓаат исто како и системот во државата, но ние сè уште немаме добиено нов специјален студентски дом за да се спасат студентите живи од бедата во која живеат и која се руши околу нив.

Ова е блокот В во студентскиот дом “Гоце Делчев”, во кој пред некој ден како што може да се види на сликите се срушил дел од кровот во еден од ходниците.

Овојпат немало повредени. Дали и наредниот пат нашите колеги ќе бидат еднакво среќни или пак до тогаш ќе добијат нов (специјален) студентски дом?

Studentaj dormejoj estas en stato de kadukiĝo, kiel estas la tuta ŝtata sistemo, kaj ni ne ricevis novan specialan studentan dormejon por savi la studentojn de la mizero, en kiu ili vivas kaj kiu dispecetiĝas ĉirkaŭ ili.

Tiu estas la Bloko V de la studenta dormejo “Goce Delchev”. La plafono falis en unu el la koridoroj antaŭ kelkaj tagoj.

Ĉi-foje neniu estis vundita. Ĉu niaj kolegoj havos tiom bonŝancon venontfoje aŭ ili ricevos novan, (specialan) studentan dormejon?

Tajlando: Konservi historiajn filmojn

La Tajlanda Filmarkivo alŝutadas historiajn filmojn kaj malnovajn novaĵraportojn en YouTube.

Unu el la filmoj estas Chok Song Chun (Duobla ŝanco), kiu estis la unua silenta filmo en Tajlando produktita en 1927. Restas nur 55 sekundoj de la filmo, kiu montras luktoscenon  kaj aŭtomobilan persekutadon.

Alia malofta filmo estas Hed Mahassajan (La mirakla okazaĵo) farita de Payut Ngaokrachang. Ĝi estis la unua animita filmo en Tajlando prezentita en 1955. Payut estas konata kiel la “Walt Disney de Tajlando”. En la animita silenta filmo Payut vidis trafikan akcidenton en Bankoko.

 

Reviziita de Vastalto

Mapo de koncesiitaj teroj en Kamboĝo

Terkontraktoj donitaj al fremdlandaj kompanioj. Verdaj areoj prezentas vjetnamajn kompaniojn. Ruĝaj estas posedataj de ĉinoj kaj flavaj de malajzianoj. Bildo el Licadho.

Terkontraktoj donitaj al fremdlandaj kompanioj. Verdaj areoj prezentas vjetnamajn kompaniojn. Ruĝaj estas posedataj de ĉinoj kaj flavaj de malajzianoj. Bildo el Licadho.

Licadho, kamboĝa grupo por homaj rajtoj, publikigis siajn datumojn pri terkoncesioj aprobitaj de la registaro en la pasintaj jaroj. La grupo nun instigas la registaron publikigi ĉiujn registraĵojn rilatantajn al la terkontraktoj donitaj al enlandaj kaj eksterlandaj firmaoj. Laŭ aktivistoj, multaj el ĉi tiuj koncesioj estas donitaj koste de malgrandaj farmistoj, kiuj estis poste elpelitaj el siaj vilaĝoj.

Reviziita de Vastalto

Okcidenta Papuo: Dokumenti la luktojn de papuanoj en Indonezio

Papuan Voices [Papuaj Voĉoj] estas iniciato per filmetoj, kiuj reliefigas la luktojn de la popolo de Okcidenta Papuo, provinco de Indonezio. Okcidenta Papuo jam de longe luktadas por esti sendependa ŝtato, kvankam tiu konflikto el Indonezio estas raportita ne vaste en la amaskomunikiloj.

papuan_voices

Reviziita de Vastalto

Filmeto: Kiel palmoleaj plantejoj kaŭzas naturmedian detruon en Indonezio

 La teamo de Coconuts TV iris al la suda Sumatro en Indonezio por dokumenti [angle] la influon de la bruligo de torfejoj kaj arbaroj por doni spacon al palmoleaj plantejoj. La bruligo [angle] de arbaroj en Sumatro devigas endanĝerigitajn speciojn en la insulo ŝanĝi sian loĝlokon; kaj ĝi ankaŭ kreas mortigan fumnebulon, kiu tuŝas Indonezion, Malajzion kaj Singapuron.

 

Reviziita de Vastalto

Kvizo pri la historio de Esperanto

Esperanto-flagoLa Portalo Bona Volo faris kvizon (demandaron) pri la historio de Esperanto.

Ne gravas, ĉu vi estas Esperantisto de pli ol 10 jaroj aŭ 3 monatoj aŭ 5 tagoj: kion vi scias pri la historio de la Internacia Lingvo? Honore al la Esperanto-Tago, festata la 26-an de Julio, ni preparis specialan kvizon, kiu eble surprizos vin. Do pruvu vian konon per ĝi.

 

Konatiĝu kun Sam Wakoba de la Blogo TechMoran

[La originalo de ĉi tiu artikolo aperis en la 14a de aŭgusto 2015.]

Asocio de Kenjaj Bloguloj (Bloggers Association of Kenya) profilas Sam Wakoba, kiu zorgas pri la blogo Techmoran. Techmoran gajnis la Premion Plejbona Blogo pri Teknologio de Kenjo en 2015:

We caught up with Sam to get some insights into his blogging journey.

Who is Sam Wakoba, in a few words?

Sam Wakoba is a humble and hardworking Kenyan, passionate about bettering lives in any way he can. He believes that, with the right information, anyone can be empowered to become a better citizen, employee or business person. My calling has been to dedicate my life and time to empower communities. This is just the start.

How did you come up with the name for your blog. Why ‘TechMoran’?

A Moran is a warrior and tour guide in the Maasai community. As tech ‘Morans’ we want to protect our local tech ecosystem as well as guide those who are new to it. International media covers African tech in a bad way – focusing more on NGO backed companies. We want to show the world everyday innovations in Africa hence protect the entire ecosystem

Ni parolis kun Sam por scii pri lia bloga laboro.

Kiu estas Sam wakoba, en kelkaj vortoj?

Sam wakoba estas humila kaj laborema kenjano, fervora por plibonigi vivojn ĉiamaniere laŭ sia kapablo. Li kredas ke, kun la ĝusta informo, iu ajn povas havi la povon fariĝi plibona civitano, dungito aŭ entreprenisto. Mia profesio estas dediĉi mian vivon kaj tempon por plenpovigi komunumojn. Tio estas nur la komenco.

Kiel vi elektis la nomon de via blogo? Kial ‘TechMoran'?

Moran estas batalanto kaj vojaĝgvidanto en la komunumo de masajoj. Kiel teknologiaj ‘Moran’oj ni volas protekti nian lokan teknologian ekosistemon samkiel gvidi tieajn novulojn. Internaciaj amaskomunikiloj montras afrikan teknologion en malbona maniero – kaj preferas paroli pri kompanioj subtenataj de NRO-oj. Ni volas montri al la mondo ĉiutagajn novigojn en Afriko kaj sekve protekti la tutan ekosistemon.

Advokatoj de zambia entreprenisto peticias ke GoDaddy forigu novaĵretejon

[La originalo de ĉi tiu afiŝo publikigita en la 7a de aŭgusto 2015]

Retejo de civitana komunikilo  Zambia Reports  alfrontas leĝan minacon de loka entreprenisto Rajan Mahtani, kiu peticias, ke